काठमाडौं । पेट्रोलियम पदार्थको मूल्य वृद्धि भएसँगै अहिले विद्युतीय सवारीप्रति चासो बढेको छ । केही समय अघिसम्म काठमाडौं उपत्यका लक्षित यस्ता सवारी अब उपत्यकाबाहिर अर्थात् मध्यम र लामो दूरीका सडकखण्डमा पनि चल्न थालेका छन् ।
अहिले काठमाडौंदेखि सिन्धुलीको सदरमुकामसम्म संस्थागत र व्यक्तिगत गरी नौ वटा विद्युतीय बस सञ्चालनमा आएका छन् । विद्युतीय सवारीमा यात्रुको आकर्षण देखेपछि व्यक्तिगत तवरबाट विजयकिल्ला यातायतकाे तीनसहित अन्य चार वटा ११ सिट क्षमताका माइक्राे बस सञ्चालनमा आएको छ ।
